Skip to content

अब फर्कु कसरी


आफ्नो तमाम स्वच्छता, निश्चलता
प्रेम अनि अनुराग बाल्यकालमै बिर्सेर
छाडी आएको रहेछु
उमेरको पत्रै पत्र थपी आएको यस मोडमा
बल्ल सम्झी झसँग भएछु
अब फर्कु कसरी ?
त्यो किशोर को जोस र जाँगर बीच
प्रतिभा को एउटा बिउ रोपेको थिए
जुन फुल्दा न फुल्दै कुल्चेको रै छु
एउटा आशा अनि विश्वास
जुन काखी च्यापी हिडेको मैले
बिगत मै कतै हराएको रै छु
अवस्थाको यस बिचल्ली परिस्थितिमा
बल्ल पो सम्झेछु
अब फर्कु कसरी ?
जवानीका दरिला दैलाहरू
जोशका बलिया पाइलाहरू
अनि
अहंकारको जगेर्नालाई
आफ्नो व्यक्तित्वको आधार सम्झेछु
यसैबीच
काँधमा बोकेको उत्साह अनि आकांक्षालाई
ख्यालै न गरी मस्ताना चालमा हिडदा हिड्दै
कतै खसालेको रै छु
बलहीन भएको यस जीर्ण अवस्थामा
विवश र बेसहारा भै
बल्ल तर्सेछु
अब फर्कु कसरी ?

हरि पौडेल
नेदरलैंड

Leave a Reply

Your email address will not be published. Required fields are marked *