तिम्रै आँचल ओढाइदिनु

हृदयमा माया भए पुष्प गुच्छा चढाइदिनु
आफन्तले रोक्न खोजे लास अघि बढाइदिनु

सँगै हुदा साथ पाए गुनासो केही छैन अब
खुच्चिङ्ग गर्ने धेरै होलान् लास छिटो जलाइदिनु

अधुरा रहे केही काम पुरा गर्ने रहर थियो
नासो रह्यो दुधे बालक सके जति पढाइदिनु

अभावका दाग मेट्न घर सबै रंगाइदिनु
कतै मेरो छाया देखे तिम्रै आँचल ओढाइदिनु

आँचल खोस्दै टिठ गर्ने आफन्त कोही आइदेलान्
जति सक्दो मेरो लास घाटतिर बढाइदिनु ।