लाज छोप्न मेरी आमा
टाल्य लुंगी लाउदी हुन्,
ऋण उठाउन काजीका बुढी
मेरो घरमा आउँदी हुन् !
कपाल कोर्न फुर्सद छैन
लिखा कति पर्या हुन् ,
ऋण उठाउन सुबेदार पनि
मेरो घरतिर उदो झर्या हुन् !!
चारैतिर ऋण माग्दै
मेरी आमा कति ठाउ पो धाउँदी हुन्
जाँड खाएर त्यसमाथि बाबाले
अझै कति पो रुँदी हुन् !
न त पैसा न छोरा भन्दै
मेरी आमा बाटोमा आँखा लाउँदी हुन्
वनमा जाँदा विरहको गीत
रुँदै कति गाउँदी हुन् …….
न त पैसा न छोरा भन्दै
मेरी आमा बाटोमा आँखा लाउँदी हुन्
वनमा जाँदा विरहको गीत
रुँदै कति गाउँदी हुन् …….
राजेश रुम्बा लामा “अतृप्त”
दोहा कातर