बसेको बस्ती उठिदिँदा यसरी

बसेको बस्ती उठिदिँदा यसरी
देखेको सपना लुटिदिँदा यसरी ।

कसरी बुझ्छ अब दिल लौन नि
परिवार सबै छुटिदिँदा यसरी ।

के भयो भर प्रकृतिको हेर न
निर्दयी बनी टुटिदिँदा यसरी ।

निरीह बनी बाँच्नु पर्यो हे दैव !
असिना बनी कुटिदिँदा यसरी ।

साँचेको खुशी लथालिँग भयो लौ
टेकेको धर्ती फुटिदिँदा यसरी ।

(रचना मार्च १६/ २०११)
(जापानमा गएको सुनामी दुर्घटनामा त्यँहाका पीडितहरुको मनोभावरुपी गजल)

2 thoughts on “बसेको बस्ती उठिदिँदा यसरी”