Skip to content

बारीको कान्लो


बारीलाई कान्लो चाहिएको छ,
खेतलाई आली चाहिएको छ
मेरो देशको सीमानामा भने
पर्खाल हैन नेपाली चाहिएको छ

बारीको कान्लो मिचियो केही बोलिन
त्यो छिमेकी थियो
गार्‍हो पर्दा काम लाग्ने त्यही त थियो
खेतको आली, मिचियो केही बोलिन
त्यो गाउँले थियो।
मर्दा पर्दा काम लाग्ने, त्यही त थियो
यसपाली त अचम्मै भो, देशै मिचियो

इतिहासको कथा भित्र
यो नेपाली ब्यथाको भित्र
न मर्दा काम लागेको छ
न पर्दा काम लागेको छ
मेरो देशको छातीमा कुल्चिने सामु
अहिले त मलाई
मेरो खिया लागेको खुकुरी उद्याउने रहर जागेको छ
नभन्नु मेरो रगत उम्लियो
जहाँ कुल्च्यो उसले अहिले,
मेरो देशको हो त्यो ।

शब्द – निष्प्रभ सजी
संगीत – न्हू बज्रचार्य

Leave a Reply

Your email address will not be published. Required fields are marked *