कति चोट दियौ मनमा, सुन्न सक्छौ तिमी ?
मेरै आँशु माला बनाई, उन्न सक्छौ तिमी ?
पोख्दैछु म मनका बह, डराउँने पो हौ कि
मेरो जस्तै एक्लो जीवन, चुन्न सक्छौ तिमी ?
तिम्रै याद बल्झी दिँदा, एकान्तमा रुन्छु
निर्दोषीलाई दोष कति ? गुन्न सक्छौ तिमी ?
धेरै सहे भित्रभित्रै, पाकेको यो घाउ
आज फुटी बग्न खोज्छ, थुन्न सक्छौ तिमी ?
नडस्नुथ्यो डसिहाल्यौ, बिष छरी छरी
जिउँदो लाश छोप्ने कात्रो, बुन्न सक्छौ तिमी ?