नभेटे एकपल तिमीलाई त्यसै बैरागिन्छु म
कहिलेकाहीँ भीड भाडमा पनि एक्लिन्छु म
तिम्रो याद मेरो जिउने सहारा बनेर होला,
नभेटे सपनीमा त्यसै त्यसै कहालिन्छु म,
तिम्रो त्यो मुहार देख्न, अनि बोली सुन्न नपाए,
सम्हालिनै गारो हुन्छ अनि भौन्तारिन्छु म,
न भोक छ दिनमा, न लाग्छ रातमा निद्रा नै,
रात दिनै तिम्रो त्यो माया पाउन तडपिन्छु म,
छ तिम्रो मायाको “आभास” जिउने सहारा मेरो
पर्ला नजर यसमा पापी संसारको झस्किन्छु म
जे आर “आभास”