यति धेरै माया दिई मनभरि दुख नदेऊ
बाटो वरपर फुल्ने पलाँस टिपी शीरमा नलाऊ

जो भाग्यमा कोरिएका सुख दुख स्वीकार छन्
केही तिता पल केही मिठा पल सबै सबै स्वीकार छन्
ती हातहरु प्रसस्त छन् भो सान्त्वना मलाई नदेऊ

यो बाटोमा कति काँडा कति फूल टिपी हिंडे
कति पराई आफ्ना देखें कति आफ्ना पराई भेटें
यो जिन्दगीको मोडमा भो साहरा मलाई नदेऊ

शब्द, संगीत - दीपक जंगम
स्वर - नारायण गोपाल
एल्बम - प्रेयसीका यादहरु