मझेरी आकर्षण
फेसबुक एकाउन्टबाट लग-इन
लग-इन (भित्र)
विधा सूची
गजल (दशैँ मान्न)
jeetu.khadka — Sat, 10/20/2012 - 18:03
अन्न छैन भकारीमा जुटाउनु छ दशैँ मान्न
उध्रिएको लुगा फाटो खुटाउनु छ दशैँ मान्न
बर्षभरि आँटो पिठो सधै नमिठो खाए पनि
काँचै काटी घैया धान कुटाउनु छ दशैँ मान्न
श्रीमतीले माग्न थाली रहर गरी टीका मुन्द्रा
बन्धकीमा राखेको थे छुटाउनु छ दशैँ मान्न
चिची पाप भन्थे छोरी रुन्छन होला नदिए त
छ कि पैसा खुत्रुकेमा फुटाउनु छ दशैँ मान्न
जिम्मेवारी पुरा गर्दै सक्या छुइन ठाडो हुन
कर्तब्यले झुकेको शिर उठाउनु छ दशैं मान्न
जीतु खड्का (गाउले)
मोरंग उर्लाबारी
- 1399 reads
Post new comment