Skip to content

मर्यो बिचरा

SubashKoirala


ऐया पनि भन्न नपाई, मर्यो बिचरा
एक मुठी अन्न नपाई, मर्यो बिचरा

पाएदेखि अझै कति खान्छु भन्दै थियो
पेटभरि टन्न नपाई, मर्यो बिचरा

हलो जोत्यो साहुको ब्याज तिर्दै ठिक्क थियो
आना पैसा गन्न नपाई, मर्यो बिचरा

आफ्नै नाउमा एउटा गह्रो जोड्ने धोको थियो
एक चपरी खन्न नपाई मर्यो बिचरा

हजुरबा’ले खाको ऋणले दु:ख पाए भन्दै
ऋण मुक्त बन्न नपाई मर्यो बिचरा

1 thought on “मर्यो बिचरा”

Leave a Reply

Your email address will not be published. Required fields are marked *