बाहुन क्षेत्री तामाङ लिम्बु राई उस्तै हो
नगर्नु हत्या सुँगुर बाख्रा गाई उस्तै हो
छलेर आँखा छलिन्न कै’ले ध्रुब सत्य यो,
आदर गरे शिक्षक साथी भाई उस्तै हो
कसिलो भए मायाको गाँठो किन गुलाफ?
मुस्काई थोरै थमाए हुन्छ जाई उस्तै हो
मनले बुझ्नु मनको बोली कोही दिनमा,
रिसले हुन्छ ! लजाई भन्दा नाई उस्तै हो
बिश्वास राखी सत्कर्म गर्नु भन्छ धर्मले,
त्यसैले भन्छु अल्लाह ईश साई उस्तै हो
कल्पना राई “खुशी”
दोलखा, नेपाल
हाल-दक्षिण कोरिया
Thanks
you are Master……………
बाहुन जस्तो राइ हुनै
बाहुन जस्तो राइ हुनै सक्दैन
सुगुर जस्तो गाई हुनै सक्दैन ||
नगर कुरा जात पात धर्मको
बाबजी जस्तो कसाइ हुनै सक्दैन||