नेपाली चेली राख्यौ है तिम्ले नेपालको ठुलो शान
देखाइदियौ सारालाई आज गरेर उच्च काम ।
विश्वमा तिमी चम्कियौ आज पूर्णेको जून बनी
गरे है सबले संसारभरि तिमीलाई ईज्जत मान ।
जिन्दगी सारा अर्पेर तिम्ले बालबच्चा स्याहार्यौ
पुर्यायौ तिम्ले ती बालकलाई संसारको चारै धाम ।
यौवन तिम्रो पत्झड बन्यो तापनि खुशी थ्यौ
मनमा कैल्यै राखेनौ केही स्वार्थ र छलछाम ।
परिश्रम गरी नेपाललाई संसारमा चिनाइन्
धन्य छौ “पुष्पा” सबैबिच तिम्ले राख्यौ है ठुलो नाम ।
रचना – नोभेम्बर/ २/ १२
आचार्य प्रभा