यादहरूमा रमाउँने यो मनको रीत बनेको छ
मायाँ तिम्रो प्रेम पत्र आज मेरो मित बनेको छ
तिमीसँग कुरा गर्दा वेखबर साँझ परिदिन्छ
तिम्रो खास शब्दहरूले हृदयको पिडा हरिदिन्छ
त्यो दिलको मिठो भावना पिरतीको गीत बनेको छ
मायाँ तिम्रो प्रेम पत्र आज मेरो मित बनेको छ
आँशुमा डुबेकी थिएँ हाँस्नलाई सिकायौ तिमीले
जिउँदो लास सरी थिएँ बाँच्ने आशा जगायौ तिमीले
जीवनदेखि हारे पनि तिम्रो साथ जीत बनेको छ
मायाँ तिम्रो प्रेम पत्र आज मेरो मित बनेको छ
लक्ष्मी अनुरागी