(१)
डाँफेचरी माथि माथि हिमालमा
गुराँसको जोवन मेरो मायालुमा
आकाशमा गड्याङ गुडुङ वर्षे झरी
हत्केला दुबै चुमे माया गरी

(२)
चन्द्रमालाई आज हेर लाज लाग्यो
सपना बादलसँगै गुड्दै भाग्यो
खुशीले मादल पनि बज्न थाले
तिमीभित्र आफूमात्र देख्न थालें

(३)
सुक्दैन खहरे नि माया उर्लेर
पूर्व क्षितिज अति राम्रो लाली पोतेर
हर्ष बडाई चाड ल्याउँछ तिम्रो माया नै
जति मुटुभित्र छाम्छु तिम्रो माया नै

-इन्जिनियर राकेश कार्की
लस् एन्जेलस्