महिला अधिकारको खोजीमा जाग्दैछन् देशका नारीहरू

महिला अधिकारको खोजीमा जाग्दैछन् देशका नारीहरू
दासताका अग्ला पर्खालहरू नाघ्दैछन् देशका नारीहरू

परम्परागत चुलोचौकाको घेराबाट माथि उठेर
राष्ट्रनिर्माणको अभियानमा लाग्दैछन् देशका नारीहरू

संबिधान निर्माणमा आफ्नो भूमिकाको खोजी गर्दै
झुपडीदेखि सिंहदरबार ताक्दैछन् देशका नारीहरू

घरेलु हिंसा र बलत्कारका दुखद पीडाहरू ओकल्दै
आफ्नो सुरक्षाको प्रत्याभुति माग्दैछन् देशका नारीहरू

सामन्तबादी पितृसत्ताको बन्धनबाट मुक्तहुन
ससक्त आन्दोलनको रथ हांक्दैछन् देशका नारीहरू