दोरण प्रसाद
झोक्राएर बस्थे
भन्थे
मेरो घरमा भुत आउँछ
तर्साउँछ
सताउँछ
एक दिन
अड्डामा टेबुल मुनि
घिस्रदै गरेको पैसालाई
तर्सायो रे
अर्को दिन
चेकमा सही गर्ने बेला
बैंकमा तर्सायो रे
फेरि अर्को दिन
पजेरोमा चढ्नेवेला
ढोका मै तर्सायोरे
बेलुकी
मस्तिमा डुबेको बेला
वाइनको विर्को मै तर्सायोरे
साझँ विहानै
तर्सायो रे
हर दिन
हर रात
हर पल
हर ठाउँमा
सतायो रे
आज बिहानै
दोरण प्रसाद मरेछ
हल्ला चल्यो
किचकन्नेले खायोरे
उसको घरको फलामे गेटमा
एउटा पर्चा टाँसेको देखियो
लेखिएको रहेछ
“मुर्दावाद” २०६९/११/१६
नेपाल साप्ताहिकमा प्रकाशित
राजु स्याङतान
महोत्तरी खयरमारा