औंला भाँच्दै यहाँ नचाउनेहरू धेरै पाएँ मैले
हुँदा हुँदै भीरबाट खसाउनेहरू धेरै पाएँ मैले
आफू बाँचे भैगो अरुलाई त के मतलब छ र ?
दुनिया नै मुट्ठीमा मसाउनेहरू धेरै पाएँ मैले
माँया लाउँछु भन्नेहरू आए- गए कति कति
खाँट्टी प्रीत नलाई फसाउनेहरू धेरै पाएँ मैले
आसै आसमा बस्नेहरू आस नगरे हुन्छ यहाँ
आफनो खुशी मन बसाउनेहरू धेरै पाएँ मैले
स्वार्थी संसार स्वार्थ मन भएसि के लाग्छ र
अरुलाई नै रूवाई हसाउनेहरू धेरै पाएँ मैले