निरासा

विश्वमान चित्रमा
एउटा सुन्दर बाटिका
जैविक विविधताले पूर्ण
तर दुर्भाग्य के भने
यसका मालीहरू हूँ भन्नेहरूका
काण्डहरू फाटिसकेका छन्
आज बाटिकाका पुष्पहरू
यिनीहरू बटै सशंङ्कित छन्
त्रसित छन्
बाटिकाका किनाराहरू
खोस्रिदै छन्
सगरमाथाको उच्चाई
कसैले बढाउँदै छन्
कसैले घटाउँदै छन्
बाटिकाको सौन्दर्यता आज लुटिदै छ
बाटीका श्रीखण्डले भरिएलाभन्दा
दिन प्रतिदिन कुकाठ थुप्रिदै छन्
स्वार्थै स्वार्थले भरीपूर्ण ती
मालीहरूका गीत गुञ्जिदै छन्
विदेशी बृक्षहरूको तप्कनी बढ्दो छ
वातावरण धमिलिदै छ
बाटीकाका पत्रदलहरू बहुदलीयबाट
एक दलीय बनेका छन्
यिनैमा मालीहरू रुमलिएका छन्
बाटीकाका पुष्पहरूको चाहना
जैविक विविधताको भावना
राष्ट्र र राष्ट्रियता प्रतिको धारणामा
कता कता ह्रास छ
त्यसैले आज बाटिकाका
पुष्पहरूमा आज कता कता निरासा छ ।

सदानन्द अभागी