विवशता
त्यो बूढो भिखारीले भिख भित्रको अस्तित्वलाई
बुझेर नै होला शायद आफ्नो बाँकी श्वास
मृत्युको भिक्षा राखिदिए जस्तो लाग्छ -विवशतालाई ।
जिजविषा
चितामा सुतिसकेको त्यो लाशले पनि
फेरि एकपल्ट कात्रोबाट च्याएर
संसार र स्वयमलाई हेर्ने ठूलो इच्छा
गरे जस्तो लाग्छ -जिजविषालाई ।
सहानुभूति
नयनबाट झरेका ती अनमोल आँसुका थोपाहरूले
रुझेका परेलीहरूलाई देखि दया गरी
फर्केर फेरि तिनीहरूलाई पुछिदिने
बिचार लिए जस्तो -सहानुभूतिलाई ।
-प्रभास मासिक अंक २ वर्ष२ (दार्जिलिङ्गबाट प्रकाशित)
Comment: *
amuktak
only 4 line or sort poetry is not muktak .muktak has own rule & regulation . plz study muktak’s difinition.