सक्छौ भने सामुन्नेमा आई रोप भाला
जथाभावी बोली हिँड्नु होइन राम्रो चाला
बगलीमा छुरा बोकी राम जप्ने बानी
मलाई भन्दा बढ्ता त्यस्ले तिम्रै गर्छ हानी
सक्छौ भने सामुन्नेमा आई घोच छुरा
जथाभावी नगरेकै राम्रो हुन्छ कुरा
बाहिर एउटा रुप तिम्रो भित्र अर्कै देखेँ
बिश्वाशघात भए पछि मात्र यति लेखेँ
सक्छौ भने एकेफोर्टी सेवेन लिई आउ
जथाभावी तुकबिनाको कुरा नचलाउ
देवीचरण भण्डारी ‘सरोज’