खोजे कति बाटाहरू भेट्न सकिएन
अहिलेसम्म जिन्दगीलाई बुझ्नै सकिएन
हिडे कति एक्लै एक्लै रहस्यको खोजी गर्दै
रहस्यमा जिन्दगीलाई मुछ्नै सकिएन
पर्खाइमा रहे कोही परेलीलाई भिजाएर
भिजेका ती परेलीलाई पुछ्नै सकिएन
खै के जिउनु यो जिन्दगी बेअर्थ को थुप्रो मात्र
बेअर्थ कै जीवन भन्दै लुछ्नै सकिएन
जता हेर्छु मात्र देख्छु तानातान गर्नेहरू
आफू चाहिं त्यस्तो लाममा घुस्नै सकिएन