मनका मेरा वेदनाहरू कसरी पोखुँ तिमीलाई
ढल्पलाएका यी नयनले कसरी हेरुँ तिमीलाई
तिमी थियौ र म थिएँ सपना थियो सुन्दर सुन्दर
ओझेल भयौ आँखाबाट कसरी देखुँ तिमीलाई
पीडा लुकाई हाँस्न सिकें रमाउन जाने तिमीबाटै
छायाँसरी विलिन भयौ कसरी खोजुँ तिमीलाई
खुसी सारा दिई मलाई खोसेर लग्यौ फेरि किन रु
सवाल गर्छ यो मन सधैं कसरी सोधुँ तिमीलाई
तिमीसँगै जोडिएको मेरो सानो संसार थियो
भताभुङ्ग पारी छोडी गयौ कसरी भेटुँ तिमीलाई
आँशु पिई हाँसिरहें तिम्रो शीर नझुकोस भनी
गलत बाटो हिंड्दै छौ रे कसरी रोकुँ तिमीलाई
हाल:नेपालगंज