फुल्दै थियो कोपिला यो, बचाउने माली छैन
फूल को नि के अर्थ भो, सजाउने माली छैन
उमङ्गमा मिठो धुन सङ्गै, रम्ने ठुलो धोको थियो
साथमा बासुरी त थियो तर , बजाउने माली छैन
ना-ना थरि बात लगाई, दोष मात्र लगाउने यहाँ
छिनो फानो गरी न्याय, दिलाउने माली छैन
मनमा रहरहरु सङ्गालेर पनि, बाध्यता त उस्तै-उस्तै
चौरासी ब्यन्जनको के अर्थ, खिलाउने माली छैन
अनुरागी कोही भएन, सधैं एक्लो रह्यो बिवश
माया ममता जिन्दगीमा, भिजाउने माली छैन
– ©करन बिवश ।
रचना मिती :- २०६२-०४-२५ गते [बैतडी]