झ्वाम्मै हाम नफाल्नु है जिन्दगी विगार हुन्छ
हजारमा एकमात्र जहाँ वफादार हुन्छ
माया लाउनु अघि होश पुर्याएस है
जालमा पार्नेहरूको वहाना हजार हुन्छ
वैंशले मात्तिएर उम्लिन्छौ आफूखुसी पोखिन्छौ भने
इच्छामात्र जनाइ हेर जोगी पनि तयार हुन्छ
मायाको त्यो आवेगमा नताप्नु आगो तापेमा
सुन्दर त्यो जीवन जलेर अङ्गार हुन्छ
यसैलाई शिक्षा लिनु भाको अस्मिता जोगाउनु
मात्तिएर उफ्रयौ भने एकदिन हार हुन्छ ।
© मानन्धर अभागी ।