१,
आफैलाई बरिष्ठमा बर्गिकरण गज्जब छ
पैसाले यो साहित्यको अपहरण गज्जब छ
कालोलाई सेतो भन्दै आपसैमा वाह वाही
काँधमाथि उचाल्ने यो वातावरण गज्जब छ

२,
पातलाई झरीले भिजाए होलान्
फूललाई काँडाले बिझाए होलान्
कति घुमे भमरा कोपिला माथि
साँझपख बाआमा रिसाए होलान्

३,
सपनामा हिमाल चढेको हुन्छु
बिपनामा हिलोमा लडेको हुन्छु
खै के गर्नु नशा हो के हुन्छ हुन्छ
बेहोसी मै वेद पो पढेको हुन्छु !

गुप्तेश्वर-३,रामेछाप
हाल:अबुधाबी,युएई