Skip to content

आज भन्दै भोलि भन्दै बैंश ढल्कि जान्छ

आज भन्दै भोलि भन्दै बैंश ढल्कि जान्छ
बैंश सँगै ऐना माथि रुप टल्कि जान्छ

जवानीको जोशहरु सँधै बेहोसीमा
थाहै हुन्न कति खेर कता पल्कि जान्छ

जतिसुकै समुद्रमा छाल उठे पनि
किनारमा ठोकिएर उतै छल्कि जान्छ

सुख दु:ख जिन्दगीको पलहरु सबै
सम्झनामा घरि घरि आई झल्कि जान्छ

मरिजाने छोटो चोला सम्झिएर लाँदा
मनभरि वेदनाको आगो सल्कि जान्छ

चाँगे: ५, ताप्लेजुङ
हाल: सिंगापुर

Leave a Reply

Your email address will not be published. Required fields are marked *