(१)
धवल हिमालय हरित तराई
गिरिवर मण्डित जय नेपाल
उच्छल जलधि अगणित सौरभ
मलयज शीतल जय नेपाल
जय नेपाल जय नेपाल
जय जय जननी जय नेपाल …
थरीथरी जाति संस्कृति हाम्रो
भेष र भूषा विविध अनेक
सबको साझा तर फूलबारी
सब नरनारी हामी एक
अचल अखण्डित शूर वीर रक्षित
चीर स्वतन्त्र स्वाधीन नेपाल
…जय नेपाल जय नेपाल …
प्रकृति मनोहर बहुचर उद्भिज
मेचीकालीको सुन्दर देश
जागृत जनगण शान्त सुभाषित
सस्य श्यामला उर्वर देश
रवि शशी अंकित रातो झन्डा
धपधप बन्दो उच्च विशाल
…जय नेपाल … जय नेपाल …
धवल हिमालय हरित तराई
गिरिवर मण्डित जय नेपाल
उच्छल जलधि अगणित सौरभ
मलयज शीतल जय नेपाल
जय नेपाल … जय नेपाल
जय जय जननी जय नेपाल …
(२)
मातृभूमि नेपालको जय होस् जय होस् नेपालीको
सहिदहरूको जय होस् जय जनतन्त्रका सेनानीको
बलिदानीको धपधप बल्दो रातो रगतको जय होस्
सदा उच्च होस् चन्द्रसूर्य ध्वज स्वतन्त्रताको जय होस्
जय मातृभूमि नेपाल जय पुण्यभूमि नेपाल
जय वीरभूमि नेपाल स्वाधीन भूमि नेपाल
थरीथरीका जाति हामी एउटै हाम्रो देश
भाषाभूषा संस्कृति धेरै तर सब हामी एक
तराई होस् या पहाड होस् कि उच्च प्रदेश हिमाली
जहाँ बसे पनि जहाँ रहे पनि हामी सबै नेपाली
जय मातृभूमि नेपाल जय पुण्यभूमि नेपाल
जय वीरभूमि नेपाल स्वाधीनभूमि नेपाल
कहिले नसुक्ने अजस्र अविरल जल वैभवको देश
कहिले नझुक्ने अटल अचल सर्वोच्च शिखरको देश
गौरवमय इतिहास छ हाम्रो विश्वभरिमा नामी
पराधीन दासत्व सहन्नौं हामी स्वाभिमानी
जय मातृभूमि नेपाल जय पुण्य भूमि नेपाल
जय वीरभूमि नेपाल स्वाधीन भूमि नेपाल …
कान्तिपुर कोसेली
२०६३ वैशाख २८ ०८:१७
सयौं थुँगा फूलका हामी भन्दा
सयौं थुँगा फूलका हामी भन्दा यो राम्रो रहेछ । काली प्रसाद रिजालको शब्द कति मिठो !