यात्रा के हो थाहा पाएँ दोबाटोमा छुटेपछि
साथ के हो थाहा पाएँ आधीबाटो टुटेपछि
चोखो माया संगालेरसँगै बस्ने भर पर्दा
आसा के हो थाहा पाएँ सिसासरी फुटेपछि
जुटेपछि छुट्टिएर दिनरात एक्लै काट्दा
याद के हो थाहा पाएँ सम्झनाले कुटेपछि
हाँसोहरू सम्हालेर सधैं सधैं राख्न खोज्दा
खुसी के हो थाहा पाएँ आँसु झरी लुटेपछि
आदर्शको कुरा भित्र छुरा चिन्न नसकेरै
नाता के हो थाहा पाएँ नचाहँदै चुटेपछि
चाँगे: ५, ताप्लेजुङ
हाल: सिंगापुर