बैदेशिक रोजगारको बहानाले, लुट्नु लुटायो आज
मुट्ठीभर टाउकेको हस्ताक्षरले, सुत्नु सुतायो आज
धपायो उसले षड्यन्त्रमा, युवा शक्तिलाई छानी-छानी
भ्रष्टाचारी घुस्याहा स्वदेशमा, जुट्नु जुटायो आज
नारीलाई विदेश पठाएर, प्रतिष्ठा गिरायो जनजातिको
संस्कार र मर्यादामा बाँच्नेलाई, भुट्नु भुटायो आज
ठुलो पैसाको लालचमा, खेल्यो गरिबको भावनामा
कैयौंको प्रेमी र दम्पति, छुट्नु छुटायो आज
पहुँचको अन्तर कायमराख्न, खेल्यो उसले खेल यस्तो
बर्गीय समानताको बाटाहरु, टुट्नु टुटायो आज
पाएनन बच्चाले सद्गुण, जो पाउथ्यो आमाको काखमा
लौन भाग्य र भबिष्य त, फुट्नु फुटायो आज
अनिश्चित यात्री कमल
कुरुले-३, धनकुटा
हाल; मलेशिया