जन्मेपछि मर्नु पनि ठूलो कुरा रैछ
फुलेपछि झर्नु पनि ठूलो कुरा रैछ

जिन्दगीको गोरेटोमा हिड्डै जाँदा खेरी
खोल्सा खोल्सी तर्नु पनि ठूलो कुरा रैछ

बाँचुन्जेली आँसुहरू लुकाएर सधैं
हाँसो खुशी छर्नु पनि ठूलो कुरा रैछ

चोखो प्रीत सँगालेर सधैं दोबाटोमा
एक्लै यात्रा गर्नु पनि ठूलो कुरा रैछ

बिहानीको रातो घाम्ले सारा उज्यालेर
डुबि रात पर्नु पनि ठूलो कुरा रैछ

चाँगे: ५, ताप्लेजुङ
हाल: सिंगापुर