म त हजुर झापाको
मान्छे छु है साह्रै मापाको
सितिमिति टेर्दिन
टुलुटुलु बसी हेर्दिन
सहन्न म उच निच तल माथि भाको
छाती पिटी धुरुधुरु आमा रोईराको
गरिब दुखी जनताको गीत गाई हिँड्छु
विकृति र विसङ्गति बिरुद्ध म भिँड्छु
म त हजुर झापाको
मान्छे छु है साह्रै मापाको
चेतनाको बिगुल फुक्तै हिँड्छु गाउँबस्ती
थकित भई बस्तिन म खेप्छु बरु सास्ती
नशा भित्र थोपाथोपा बग्छ रगत रातो
असल खराब छुट्याउँछु बिराउँदिन बाटो
म त हजुर झापाको
मान्छे छु है साह्रै मापाको