Skip to content


प्रकाशको पीडामा,
छटपटाउने जीवहरूले,
आधी रातमा रोइरहेको,
औशीलाई हेर्दा
चकमन्न निर्जीव झै,
सुनसान वातावरणमा
ज्योतिविहीन आँखाको ज्योति,
आफैभित्र पाउँछ।

परिवेस शून्य,
गन्तव्यका यात्रीले
मध्यान्नमा,
आकाश नियालेर हेर्दा,
कोलाहलपूर्ण,
ज्ञात-अज्ञात दृष्यभित्र,
कमजोर आयु मात्र,
सामने लड्खडाउँछ ।

तिता मिठा भावनाका कयौ,
छालहरूमा नुहाउदा,
जीवन शैली सदाको लागि,
रङ्गिन हुने भए
प्रचण्ड गर्मीमा,
भकभकि पाकिएकोबेला,
हिमश्रिङ्खलाको,
कल्पनाले कपाउने भए ।

स्काइप, भाइवर, फेसबुक,
र नेटले दिएको आनन्द,
वास्तविक जीवनले,
उपभोग गर्न पाए
गरिबी र अभावै अभावले,
रोएको मनले त्यहाँ,
जादु कल्पनाको,
मिठासले रम्न पाए ।

स्वर्ग धर्ती हुन्थ्यो,
धर्ती स्वर्ग नै,
अशान्ति शान्ति र,
शान्ति अशान्ति मै
मृत्यु जीवन हुन्थ्यो,
जीवन मृत्यु झै,
मानिस देउता हुन्थ्यो,
देउता के हुन्थ्यो खै ?

निशा खनाल अर्याल
इजरायल

2 thoughts on “यदि……., भए !”

  1. अाशावादी साेच भएकाे कविता ।
    अाशावादी साेच भएकाे कविता । पहिले भन्दा केही सुधार देखियो लेखाइमा । मलाइ ता खुसी पो लागेको छ कमसे कम मैले घच्घच्याएका कारण केही सुधार भो मेरी बैनीकाे लेखाइमा ।

  2. इन्द्रमणि

    राम्रो कविता….
    कबिता राम्रो छ तर कविताको संरचनामा भने केहि ध्यान दिनु जरुरि देखें मैले,…..

Leave a Reply

Your email address will not be published. Required fields are marked *