जबदेखि यो हृदयको तार तिमीसँग जोडियो
मेरा जीवनका पाईलाहरू पनि एकाएक मोडियो
आँसुभित्र पनि सुखद सुभाष खोज्न थालियो
पाईलै पिछे त्यो प्रेमरस जलपान गर्न पाईयो
तिमीसँग हिडदा सुनसान बाटो पनि सुन्दरताले भरिदिन्छ
तिम्रो साथले कठिन लामो यात्रा पनि सहजै छोटिन्छ
कुन रंग हो तिम्रो सवथोकलाई प्रेम मै बदलिन्छ
त्यही साथ पाउन यो मन लालायित भइदिन्छ
तिम्रो नयनले पनि प्रेमकै बाण हान्छ
त्यो मिठो मुस्कानले झन यो मन लठै पार्छ
प्रेमको मुहान नै हौ कि तिमी
सवले तिम्रै निम्ति लाययित हुन्छ
मेरो मन बद्लिने त्यो तिम्रो प्रेम सदवै पाइरहु
त्यो प्रेमको सागर भित्र यो मन सदैव पौडन पाइरहु
पीडा विर्साई दिने त्यो तिम्रो माया सदैव दिइरहनु
रंग, जातवाट माथिल्लो त्यो माया मेरा लागि राखिरहनु