हामीलाई हाम्रो आफ्नै मौलिक पहिचान चाहिन्छ
पहिचान अनि संघीयता सहितको जनसंविधान चाहिन्छ
कति गर्छौ छि:छि: दूर दुर सहन्नौँ हेपाइ अब
पोडे मुसहर सबैलाई आत्मसम्मान चाहिन्छ
धेरै कटे कष्टपूर्ण निरङ्कुशताका रातहरू
स्वतन्त्रतासहितको छुट्टै नयाँ सुनौलो बिहान चाहिन्छ
निस्तेज पार्नु पर्छ सबले बिदेशीको अतिक्रमण
त्यसको निम्ति मनभित्र राष्ट्रियताको रुझान चाहिन्छ
थारि थरि धर्म छन् थरि थरि जात जाती
सबै मिली बस्न सक्ने नयाँ नेपाल चाहिन्छ