आज फेरि उन्ले मलाई, हँसाएको याद आयो
हाँस्दा हाँस्दै आँखाहरू, रसाएको याद आयो ।

मिठा मिठा बात गर्दा, समय त्यो भागी जाँदा
समातेर ल्याउ त भन्दै, बसाएको याद आयो ।

किन गर्यौ तिम्ले यस्तो, बिना गति मलाई
सम्मान माया दिलबाट, हटाएको याद आयो ।

मौन छु म तिम्रो लागि, छैन केही शब्द अब
सिरानी त्यो भिजाई, आँसु खसाएको याद आयो ।

जे गर्यौ तिम्ले राम्रो गर्यौ, जे जे हुन्छ हुन देऊ
सम्बन्ध यो कसैले यहाँ, फटाएको याद आयो ।

राम्रो हो गजल ता तर लेखन र शब्दस‌याेजनमा पर्याप्त ध्यान दिनु जरुरी देखियाे । केही सच्याइदिएँ । क्षमा चाहन्छु ।

dhanyabad Hom Suvedi ji,