देखाएर योवन तिम्रो बेहोसी नबनाऊ है
पिलाएर नशा धेरै मद्होसी नबनाऊ है
तिम्रो बैँशको उन्माद साँझले देखेको छ
विचरा विहानीलाई दोषी नबनाऊ है
गोप्य रहुन् जवानीले मातिएका कुराहरू
संसारको अगाडि कोशी नबनाऊ है
बनाउन त बनाऊ तिम्रो भव्य महल
झुपडीका खुसीहरू खोसी नबनाऊ है
इन्कार गर्न सक्छु तिम्रा कुराहरू मैले
आफ्नो मनलाई सन्तोषी नबनाऊ है
विनोद विवश
कुश्मीसेरा १, बागलुङ
२०७१-१२-२५
अति सुन्दर
अति सुन्दर