झुटको पर्दाफास पछि
तिम्रा हरेक शव्दहरू
बुट्टा कोरेर लेखिएका
महाकाव्य जस्तो लाग्छ
पानीमा लेखिएको शव्दवर्ण
एक क्षणमा हराएर जाने
हावा हुण्डरीभन्दा
कम छैन जस्तो लाग्छ
झुटको पर्दाफास पछि
तिमीले बोलेका बोलिहरू
गोठालो जादा रामेले
बाघ आयो गुहार भन्दै
अन्य गोठालाहरूलाई
तर्साएर भगाएको
मिठो कथा जस्तो लाग्छ
झुटको पर्दाफास पछि
तिमी हिडेका बाटोहरू
फगत एक स्वार्थका निम्ति
ठमेलका गल्लीहरूमा
चकमन्न अँध्यारो रात छल्दै
लिपिष्टिक अनि पाउडरले
आफूले आफैलाई नचिन्ने वनाइ
एक कुनामा बसी ग्राहकको इन्तजारमा
रात छिप्पिदै जादा मोल घट्दै जाने
नगरवधुको पाइला जस्तै लाग्छ
झुटको पर्दाफास पछि
तिम्रा हरेक शव्दहरू
बुट्टा कोरेर लेखिएका
महाकाव्य जस्तो लाग्छ
२३ जुलाई २०१५