Skip to content

“साच्चै अर्चले अति सुन्दर छ “

“साच्चै अर्चले अति सुन्दर छ ”

सातैतालको यो संगम थलो |
भित्तेरी काउरे पाखा पखेरो ||
पूर्वमा दिपांग अनि बेगनास |
साच्चै अर्चले अति सुन्दर छ ||
—————१————————–
उत्तरमा शालीन हिमगिरी |
अन्नपूर्ण र सेतो धौलागिरी ||
पश्चिममा बेशी खास्टे ताल छ |
साच्चै अर्चले अति सुन्दर छ ||
—————२———————-
धारापानी र ठुलो पधेरो |
बुढाको चौर खेल्ने पखेरो ||
सुमीडाडा स्कूल प्राथमिक |
साच्चै अर्चले अति सुन्दर छ ||
————-३————–
जन्मेर कबि बने शिरोमणी |
बुद्धि बिनोद र तरुण तपसी ||
जन्मायो गाऊ कबि लेखनाथ |
साच्चै अर्चले अति सुन्दर छ ||
——————४——————-
कोलाको स्वार,माथि टुटुंगो |
बाघगोट्टी खेल्ने त्यो भुत्ते ढुङ्गो ||
डिहीको माथि बतासे चौर |
साच्चै अर्चले अति सुन्दर छ ||
—————-५———————–
काटौंन भन्ज्यांग डाडानाकबाट |
पैदल लाग्ला सवाघण्टा एक ||
हेरौ पोखराको सौम्य दृश्य |
साच्चै अर्चले अति सुन्दर छ ||
————६ ——————–
पूर्वमा घाम झुल्किदा खेरी |
टल्कीन्छ हिमाल बनी सुनेली ||
राखिको डाडा टाढा कास्कीकोट | |
साच्चै अर्चले अति सुन्दर छ ||
———७ —————–
(समाप्त)
— इ.दीपक यात्री ;लेखनाथ-६ कास्की नेपाल
हाल: हैदराबाद भारत

Leave a Reply

Your email address will not be published. Required fields are marked *