कोहलपुर, १९ मंसीर, २०७२
वरिष्ठ कथाकार तथा नेपाल प्रज्ञा प्रतिष्ठानका पूर्व सदस्य सचिव सनत रेग्मीलाई पूर्णिमा साहित्य रत्न २०७१ ले सम्मान गरिएको छ ।
नेपाली आख्यानमा योगदान पुर्याए वापत हाम्रो पूर्णिमा साहित्य प्रतिष्ठान कोहलपुरले कथाकार सनत रेग्मीलाई सम्मान गरेको छ । नेपाल प्रज्ञा प्रतिष्ठानका सदस्य सचिव प्रा.डा.जीवेन्द्र देव गिरीले कथाकार सनत रेग्मीलाई नगद ११ हजार सहित प्रमाण पत्र र दोसल्ला ओढाएर सम्मान गरे । कथाकार सनत रेग्मीका आधा दर्जन बढि कथा संग्रहहरु प्रकाशित भएका छन् । उनका कथाहरु स्नातक तहका पाठ्य पुस्तकहरुमा पढाई हुँदै आएको छ । हरेक वर्ष प्रदान गर्दै आएको यो सम्मान अघिल्लो वर्ष गीतकार तथा गायक स्वर्गीय प्रेम प्रकाश मल्ललाई प्रदान गरिएको थियो ।
नेपाल प्रज्ञा प्रतिष्ठानले पश्चिमको साहित्यलाई अगाडि बढाउन सक्दो पहल गर्ने प्रा.डा.जीवेन्द्र देव गिरीले प्रतिवद्धता पनि गरे । नेपाली भाषा साहित्यमा योगदान दिनेहरुलाई वार्षिक रुपमा प्रदान गर्दै आएको सल्लाहकार सागर गैरेले बताए ।
कार्यक्रममा कथाकार सुमित्रा न्यौपानेको “आँखा र आँखाहरु” कथा संग्रहको समिक्षा पनि गरियो । टिकाराम उदासी, बासुदेव पाण्डेय प्रभाकर र हरि प्रसाद तिमिल्सिनाले ग्रामिण भेगलाई समेटेको नारिवादी कथा भएको कुरा व्यक्त गरे ।
अन्य जानकारीका लागि
कपिल अन्जान,
सचिव,
हाम्रो पूर्णिमा साहित्य प्रतिष्ठान, कोहलपुर, बाँके
९८५८०२६६२७