अमानविय नाकाबन्दी हटाइहाल मोदीजी
नाका खोल्न तिम्रा दूत खटाइहाल मोदीजी

दम्भको घोडा चढी बनिंदैन महाशक्ति
मनभित्रको अभिमान घटाइहाल मोदीजी

छिमेकीको घाँटी रेट्ने कस्तो तिम्रो ऋषिमन
इन्धनका गाडीहरु पठाइहाल मोदीजी

अरुको स्वाधिनतामा धावा बोल्न खोज्छौ कति
बिस्तारबादका नङ्ग्राहरु कटाइहाल मोदीजी

आफ्नै कारण संसारभर बदनाम हुँदै गयौ तिमी
आखिर गल्ति तिम्रै हो सच्च्याइहाल मोदीजी