दौडिन्छ सधैं आफ्नै तालमा, यो कस्तो समय
गरिदिन्छ नयाँ उस्को चालमा, यो कस्तो समय ?
हसाइदिन्छ कहिले, कहिलेकाहीं रुवाइदिन्छ
झुलाइदिन्छ उस्कै जालमा, यो कस्तो समय ?
भेटिदैन कहाँ छ यो, कहाँ खोज्ने कति खोज्ने ?
अल्झाइदिन्छ हरेक सवालमा, यो कस्तो समय ?
को आफ्नो हो को पराई, चिनाइदिन्छ बिस्तारै
उथलपुथल जीवनका छालमा, यो कस्तो समय ?
घटाउँदै छ जवानीलाई, लैजादैछ कतै टाढा टाढा
मुर्ख बनाउँदैछ नयाँ सालमा, यो कस्तो समय ?
रन्जना न्यौपाने
चरिकोट, दोलखा