Skip to content

झुटा लाग्छन सारा ईतिहास

कहिल्यै थाकिदैन
कहिल्यै झिँजो लााग्दैन
सुनेर पुर्खाको सहास
तर अचेल झुटा लाग्छन सारा इतिहास

ठमेलको साँघुरो सडकमा
किच्च दाँत देखाएर
बिदेशी सँग मागिरहेछ उसको देशको भिजा
सिन्को भाँच्दैन देशमा तर
भाँडै माझ्छु भन्छ उता गएर !
यता उ जन्मेको झुपडी गन्हाउछ
उता गएर सडकमै बस्छन बास
उ एउटा बलभद्रको नाती रे
त्यसैले झुटा लाग्छन सारा ईतिहास

भक्ती थापाका झनाती हरु
कुप्राउको बीर जिन दौडाउदै रगत मा
तँछाड मछाड गर्छन देश बेची खान
के उनीहरु ईतिहास पढ्दैनन् ?
पढ्छन भने किन जोत्छन मुन्टो
बिदेशी सामु
रहुन्जेल अन्तिम सास
मलाइ झुटा लाग्छन सारा ईतिहास

कयौँ भृकुटी सीता का सन्तान
बेच्छन आफ्नै देह छिमेकी लाई
तोकेर सरिर को मुल्य
कहलाउछन महान नारी
के बंसाणुगत गुणको
एक मिली पनि छैन तिनको रगत मा ?
किन गर्छन आखिर आफ्ने पुस्ता को उपहास ?
मलाइ झुटा लाग्छन सारा ईतिहाश

पढेका पासाङ ल्हामु घोकेका पार्बती, सीता
र देखेका नबपश्चिमा नारी हरु
यो बेमेल देखेर टोलाउछु एकनास
त्यसैले
झुटा लाग्छन मलाइ सारा ईतिहास

तोयानाथ पौडेल
सँखुवासभा
हाल – मरुभुमिको छाती बाट

Leave a Reply

Your email address will not be published. Required fields are marked *