साँच्चै भगवान भएदेखि केही गर्न सक्नुपर्छ
अनिकालमा पर्नेहरूको पेट भर्न सक्नुपर्छ
दिनैभरि काम गरेर एक छाक खानेहरूको
जसोतसो भए पनि दुई छाक टर्न सक्नुपर्छ
सधैँभरि पीडामा नै बाँच्नेहरूको पनि
कहिलेकाहीँ दुःखहरू हर्न सक्नुपर्छ
देवता त स्वर्गमा बस्छन् अरे भन्ने सुन्छु
कहिलेकाहीँ त पृथ्वीमा नि झर्न सक्नुपर्छ
धनी–गरिब, जात–भात भेदभाव धेरै छ
सबैलाई समानताको बिउ छर्न सक्नुपर्छ