Skip to content

हारेको छु आफैंसँग


हारेको छु आफैंसँग, कसैलाई जित्नु छैन
कल्पनामा आकाशको, तारा जून टिप्नु छैन

कोमल यो हृदयमा, मायारुपी विष रोपी
फेरि पनि नयनहरू,आँशुले लिप्नु छैन

थाहा छ औकात मेरो, अनि आफ्नै गति पनि
कसैको नक्कल गरी, कुनै कुरा सिक्नु छैन

फूल होइन घाँस हुँ म, त्यो पनि तारे भीरको
झुक्याएर कसैलाई, फूल भनी बिक्नु छैन

–वसन्त दहाल–
ईलाम
हाल :- द . कोरिया

Leave a Reply

Your email address will not be published. Required fields are marked *