जिन्दगीमा

सोच अनेक, बाटा अनगिनन्त
जीवन हरेक, पाटा अनगिनन्त
मानिस कतेक, नाता अनगिनन्त
विचार सैयेक, छाता अनगिनन्त

संसार हाम्रो, भूलभुलैया हो कि
कर्म हाम्रो, छलछलैया हो कि
नाटक हाम्रो, तलतलैया हो कि
भावना हाम्रो, दलदलैया हो कि

सम्बन्ध हाम्रो, दन्किएको छ कि
माया हाम्रो, कड्किएको छ कि
आचरण हाम्रो, भड्किएको छ कि
आत्मा हाम्रो, सन्किएको छ कि

मरी लग्नु जिन्दगीमा, खाली हात त होला
बाची लग्नु जिन्दगीमा, जाली साथ त होला
गरी लग्ने जिन्दगीमा, पापी जात त होला
भरी लग्ने जिन्दगीमा, माथि पाप त होला

राज भण्डारी (विवश)
दुबई, युएई