धर्तीमा अमूल्य रगत बगायौ सलाम शहिद तिमीलाई
मुक्तिको निम्ति जीवनकै बाजी लगायौ सलाम शहिद तिमीलाई
वर्षौ वर्षदेखिको निरङकुसताको बिरासतलाई भत्काउँदै
बादशाहलाई सिंहासनबाट भगायौ सलाम शहिद तिमीलाई
राखेनौ मनमा कुनै स्वार्थ अन्तिम सास रहुन्जेल
हजारौंमा बलिदानी भाव जगायौ सलाम शहिद तिमीलाई
युद्ध मैदानमा एउटा ढल्दा अर्कोले हतियार सम्हाल्दै
दुश्मनहरूलाई नौं डाँडा कटायौ सलाम शहिद तिमीलाई
झुकाएनौ शिर कहिल्यै सुम्पियौ जीवन बरु
वीरताको रक्तिम इतिहास लेखायौ सलाम शहिद तिमीलाई
दास दासी जस्तै अधिकार बिहीन जनताहरूलाई
यो देशकै मालिक बनायौ सलाम शहिद तिमीलाई