Skip to content

आँखाभरि आँसु बोकी

PrakashKhadka


आँखाभरि आँसु बोकी पीडाहरू लुकाइरह्यौ
मुलको पानी सुके पनि आशाहरू फुकाइरह्यौ

मन दियौ तन दियौ बास दियौ मन लोकमा
उस्कै निम्ति आज तिम्ले स्वाभिमान चुकाइरह्यौ

मान्छे पनि ढुंगा जस्तो हुँदा छँदा देवता जस्तो
नहुदामा थिचोमिचो सदा शिर झुकाइरह्यौ

माया गरे खोट देख्छन् अर्कै माथि आँखा लाउछन्
फर्कने आशमा तिम्ले, सपनाहरू सुकाइरह्यौ

नजिकको तीर्थ हेला भयो टाढाको पुज्दा उस्ले
नाता जोड्न आज तिम्ले आफ्नै भाव रूकाइरह्यौ

प्रकाश खड्का
भक्तपुर, चाँगुनारायण नगरपालिका
हाल बोस्टन अमेरिका

Leave a Reply

Your email address will not be published. Required fields are marked *