Skip to content


अनुहारै तर्सेको छ नदीको
यसअघि
नदीहरू कहिल्यै
डराएर बगेका थिएनन्
पहाडहरू टुक्रुक्क बसेर
जूवामा च्याँखे थाप्नेजस्ता देखिएछन्
यसअघि
पहाडहरू कहिल्यै
जुवाडे भएका थिएनन्
झरनाहरू
सदाकाल
धाराप्रवाह कविता लेख्थे
वरपीपलका सियाँल
अपनत्व/परत्व
नविचारी
ओत दिन्थे/शीतलता बाँड्थे,

यसअघि झरनाहरूमा कहिल्यै
पीप र रगत बगेको देखिएन
वरपीपलका जोडी वृक्षमुनि
यसअघि
‘एम्बुस’ ओथारो बसेको कहिल्यै सुनिएन
डराएर बगेका नदीहरू
जुवाडे पहाडहरू
रगत र पीप झरेको झरना
साथै ‘एम्बुस’ ओथारो बसेको वृक्षले
वरिपरि आतङ्क उपस्थिति जनाएको छ,

छि ! कस्तो नमीठो
मान्छे सडेको गन्ध !

पेशल आचार्य
मन्थली
२०५९–०२–०९

Leave a Reply

Your email address will not be published. Required fields are marked *