बच्चाहरू चंगा किन्दै थिए बजारमा, दशै तिहार आकै हो त ?
खसीको मूल्य हुँदै थियो बजारमा, दशै तिहार आकै हो त ?
बिहानको सिरर चिसो हावा, पारिजातको वासना उस्तै
भरपुर बसाउन थालेको छ, दशै तिहार आकै हो त ?
कपाल काटी शुद्ध बसी, माछामासु बार्न थाले
स्रोह्श्राद गर्नेको भीड छ, दशै तिहार आकै हो त ?
मोबाइल र म्यासेन्जरमा, शुभकामना गीत आछ
फेसबुकमा जमरा, टीका देखिए, दशै तिहार आकै हो त ?
कर्मचारी राष्ट्र सेवकहरु, बिदा पासको कुरा गर्दै
चौतारीमा वसेका छन, दशै तिहार आकै हो त ?