Skip to content


दरबारमा साँझ
घरबारमा साँझ
उष्ण साँझ
शितोष्ण साँझ
तृप्तताका सन्धिसर्पन भित्र
अनेक साँझ,

अवतार साँझहरू
कतै गुनासा भाक्छन्
संघीय साँझहरू
कतै विद्रोह कबोल्छन्
रातको पन्थमा
एउटा साँझ लखरलखर
हिँडेर उद्देश्य चुम्न चाहन्छ
दौडिएर अर्को साँझ
धुमिल हुन चाहन्छ
प्रेमाशक्त भएर
साँझ
प्रेमी बन्छ
प्रेयसी पनि बन्छ
यो वा त्यो
जे पनि बन्छ
साँझ आखिरमा
मौलिक हुन्छ ।

पेशल आचार्य

Leave a Reply

Your email address will not be published. Required fields are marked *